Дијабетот е хронична болест која се јавува кога панкреасот не произведува доволно инсулин. Тоа значи дека хормон кој го регулира нивото на шеќер во крвта, или кога телото не може ефикасно да го користи инсулинот кој го произведува панкреасот.
Покаченото ниво на шеќер во крвта,односно хипергликемијата, која е карактеристична за неконтролиран дијабет, предизвикува сериозни оштетувања, особено на нервите и крвните садови.
Постојат неколку видови дијабет:
Дијабет тип 1, познат како инсулин-зависен дијабет, се карактеризира со недостаток на лачење на хормонот инсулин. Симптомите на овој тип дијабет вклучуваат прекумерно излачување на урина, жед, постојан глад, губење на тежина, промени во видот и замор.
Дијабет тип 2, познат како инсилин-независен дијабет, се јавува како резултат на неефикасна искористеност на инсулинот во телото. Симптомите најчесто се слични со оние кај дијабет тип 1, меѓутоа помалку забележливи, поради што болеста се дијагностицира неколку години по настанувањето.
Гестациски дијабет претставува состојба при која се јавува хипергликемија во текот на бременоста, поради што се зголемува ризикот од компликации во текот на бременоста и по породувањето.
Предијабетес е состојба во која индивидуите имаат покачен шеќер во крвта, но сепак не можат да се вбројат во класата на дијабетичари. Овие луѓе имаат зголемeн ризик за појава на дијабет тип 2, срцеви заболувања и мозочен удар.
© 2023, Developed and Hosted by:
KELEPUR DOOEL Ohrid
Еликсир Аптека Струмица,
ул.: “Браќа Миладинови” бр.:17, Струмица
ЕМБ:4631781. ЕДБ:4027993106224.