ДЕХИДРАТАЦИЈА – ПРИВРЕМЕНА СОСТОЈБА НА КОЖАТА!
Кожата е динамичен екосистем кој е во постојана интеракција со својата околина. Кожата на лицето секојдневно губи вода, под нормални услови може да се рехидрира природно, но одредени надворешни фактори како што се климатските промени, УВ зрачењето, загадувањето, заморот и стресот, ја зголемуваат загубата на вода. Таа повеќе не е во состојба да го одржува својот природен механизам за хидратација и станува дехидрирана. Епидермисот е оштетен, се формираат микро брчки и се појавува затегнување. Соодветно, тенот ја губи својата природна боја и станува безживотен.
ВЛИЈАНИЕТО НА ЛАДНОТО ВРЕМЕ ВРЗ КОЖАТА!
Зимата, студените и врнежливи денови сериозно влијаат врз здравјето и изледот на кожата. Со опаѓањето на температурите доаѓа и до намалување на влажноста на кожата, ветарот и сувиот воздух предизвикуваат низа реакции на кожата, а сувоста и дехидрираноста се најчестите последици. Фактот дека во зима пиеме помалку вода, е уште една причини за појава на дехидратација. Недоволно хидрирана, кожата веќе не ја исполнува својата функција на заштитна бариера.
ЗОШТО МОЈАТА КОЖА Е ДЕХИДРИРАНА?
Недостатокот на вода предизвикува непријатно чувство на лицето, на дел од телото или на целото тело, особено изразено после туширање.
Дехидрираноста на кожата е знак на неправилна регулација на водата во кожата. Често е привремена состојба, но може да биде многу непријатна.
Важно е да се направи разлика помеѓу дехидрирана и сува кожа, иако симптомите се многу слични.
На дехидрираната кожа и недоставува вода, а на сувата кожа и недостасуваат хранлливи материи (липиди, есенцијални масни киселини). Дехидратацијата може да се појави кај сите типови на кожа, вклучувајки ја и комбинираната до мрсна кожа. Сувоста пак е тип на кожа, кој за разлика од дехидрираноста, не е привремена, и зависи од надворешни, генетски и имунолошки фактори.
ШТО ЈА ПРЕДИЗВИКУВА ДЕХИДРАТАЦИЈАТА?
Водата, како и воздухот, е суштински елемент за живот. Сочинува 65% од вкупната тежина на телото на еден возрасен човек, а 15% од неа се концентрирани во кожата. Улогата на водата во кожата е есенцијална затоа што кожата е како резервоар од кого црпат останатите органи. Таа ја олеснува размената со надворешната средина така што, водата се движи од дермисот кон површината со продирање низ различните слоеви по пат на дифузија. Овој тек на водата се вика трансепидермално губење на вода (TEWL). Орожнетиот слој на кожата (надворешниот слој на епидермисот) го ограничува процесот на губење на водата, и ако оваа физиолошка бариера се наруши, TEWL се забрзува и така доаѓа до сушење на кожата. Водата не циркулира повеќе од дермис во епидермис а хидролипидниот слој престанува да функционира нормално.
ВОДАТА И БАРИЕРНАТА ФУНКЦИЈА НА КОЖАТА
Орожнетиот слој на кожата е составен од клетки без јадра, кои се “зацементирани” со липиди наречени интерконеоцитни липиди. Бариерната функција на овој слој зависи од квалитетот и квантитетот на липидите, кога тие недостасуваат, нема клеточно привлекување. Затоа при изборот на рутина за хигиена и нега, битно е да се одбере производ кој во својот состав содржи липиди.
АКВАПОРИНИ !?
Аквапорините се водени канали кои ги транспортираат молекулите на вода во епидермисот. Тоа се протеини изградени од кератиноцитни клетки кои го генерираат епидермисот и се вметнатни во мембраната за да овозможат премин на молекулите на водата. Ова движење е суштинско за кожата. Сите елементи кои се потребни за живот на клетките (минерални соли, витамини, хранливи материи) што се носат преку крвта до дермисот стигнуваат благодарение на аквапорините. Без аквапорините епидермисот не би можел да се “храни“. Хијалуронската киселина, ксилитолот и глицеринот ја задржуваат водата во подлабоките слоеви на кожата и овозможуваат циркулација, и на тој начин стимулираат производство на аквапорини. Бидејки аквапорините имаат есенцијална улога, од суштинско значење и изборот на производот за нега во состав да ги содржи овие стимулирачки компоненти.
СОВЕТИ
-Користете нежни средства за миење на лицето кои се без мирис, не содржат агресивни сурфактанти и имаат физиолошка pH вредност, како мицеларна вода, нежен гел или маслена купка.
-Нанесувајте хранлив хидратантен крем и навлажнувачки серум (со липиди, ниацинамид, витамин Е, глицерин, хијалуронска киселина, ксилитол, во состав) кои овозможат длабинска хидратација и ревитализација на кожата.
-Хидрирајте ги усните и пијте вода почесто.
-Идентификувајте ги факторите одговорни за појава на дехидратација и отстранете ги што е можно побрзо.
-Користете навлажнувачи за воздух во вашиот дом. Сувиот воздух е непријател на здравата кожа.
-Избегнувајте долги, топли туширања. Топлата вода ја оштетува хидролипидната обвивка и може да доведе до појава на сувост, или влошување на веќе постоечката. Користете млака вода и кога го миете лицето.
-Употребувајте крем со фото заштита во текот на целата година. Имајте на ум дека сончевото зрачење може да ја оштети кожата дури и во облачните денови и да предизвика фотостареење.
-Снегот рефлектира до 80% од сончевите зраци, многу повеќе од песок или вода, затоа користете повисок СПФ доколку одите на планина.
ПРЕПОРАЧАНИ ПРОИЗВОДИ ЗА НЕГА НА СУВА И ДЕХИДРИРАНА КОЖА НА ЛИЦЕ:
ПРЕПОРАЧАНИ ПРОИЗВОДИ ЗА НЕГА НА СУВА КОЖА НА ТЕЛО:
ПРЕПОРАЧАН ПРОИЗВОД ЗА НЕГА НА СУВИ УСНИ: