Според Светската Здравствена Организација (СЗО), почнувајќи од 24ти јуни, па се до 24ти јули, се бележи “Месец на грижа на сопственото здравје”. Како главен ден, каде што се бележи овој настан е одбран 24ти јули, (24.07) затоа што грижата за сопственото здравје треба да биде 24-часа, 7 дена во неделата.
Терминот “грижа за сопственото здравје” или “грижа за себе” подразбира збир на активности кои индивидуите, семејствата и заедниците ги преземаат за одржување и унапредување на сопственото здравје, превенција на болести и справување со истите самостојно и со помош на здравствени работници.
Грижата за сопственото здравје се наметнува, со цел да се подобрат неколку статистички показатели:
-
- 4,3 милијарди луѓе во светот немаат пристап до неопходните здравствени установи;
-
- недостатокот на здравствени работници на светско ниво се очекува да достигне до 18 милиони до 2030 година;
-
- 1 од 5 лица во светот живее во хуманитарна криза, додека здравствениот систем се бори за обезбедување на неопходни здравствени грижи;
-
- пандемиите, како COVID-19, вооружените конфликти и климатските промени дополнително го оптеретуваат здравствениот систем
Како да ја зголемите грижата за сопственото здравје?
1) Хранете се здраво – редовно конзумирајте овошје и зеленчук, млеко и млечни производи, риба, месо, грав и мешункасти плодови.
2) Пијте многу вода – водата има многу големи бенефити врз целокупното здравје на човекот.
3) Читајте – читајте книги кои се психолошки, за развој на мозокот и хранете го мозокот. Ќе се чувствувате полни со самодоверба и ќе го зголемите квалитетот на животот.
4) Вежбајте – вежбањето ќе ве направи поздрави, не само физички туку и психички и ќе ви го подобри животот. Можете да посетувате часови за зумба, прошетка со пријатели или да вежбате во теретана.
5) Спијте доволно – 8 часа се доволни за телото да функционира нормално, се што е повеќе или помалку може да има контра ефект на телото.
6) Одвојте време за себе! Што вие сакате да правите? Можеби нов курс? Сакате да седите и да бидете сами со своите мисли? Што и да е, посветете се на себеси, хранете ја душата но и умот.
Во овој период, кога температурите се премногу високи, гледајте да го поминувате периодот од 11 до 17 часот во затворена просторија. Дерматолозите препорачуваат употреба за крема за сончање дури иако сте дома, бијдеќи УВ зраците продираат и преку прозор.
Носете светла и тенка облека, која нема да ве поти. Доколку сте директно изложени на сонце, понесете со себе шапка и очила за сонце, а во ташната задолжително шишенце со вода.
Во период кога телото е постојано под стрес, зголемени температури, отежнат сообраќај, зголемени гужви во продавниците, зголемен ризик за труење од храна или проблеми со дигестивниот систем, препорачуваме превентивна употреба на пробиотици.
Што всушност претставуваат пробиотиците?
Пробиотици претставуваат живи микроорганизми кои во доволни количини влијаат позитивно врз човековото здравје. Најчести микроорганизми кои се среќаваат во составот на пробиотичните препарати се од видовите на Bifidobacterium и Lactobacilus.
Интересни факти за пробиотиците:
-
- Кај здрава личност постојат повеќе пробиотични бактерии (100-300 милијарди) во однос на клетки (10 милијарди).
- Пробиотичните бактерии не го населуваат само дигестивниот тракт, туку и урогениталниот тракт, носната и усната празнина, кожата.
- Пробиотиците се одговорни за 70% од нашиот имун одговор
- Во човековото тело живеат 400 видови пробиотични бактерии
- Пробиотичните бактерии создаваат голем број витамини (витамин А, К, Б-витамини
Редовната употреба на пробиотици има многу придобивки за човекот, а дел се:
- подобрување на имунитетот и намалување на воспалението
- заштита од појава на алергии на храна
- го подобруваат здравјето на дигестивниот систем
- заштита од замастување на црниот дроб и подобрување на неговото здравје
- третман на одредени болести кај деца (атопичен дерматит)
- намалување на антибиотиската резистентност
- намалување на крвниот притисок
- подобрување на менталното здравје
- подобрување на ефектот на антидијабетскиот третман
- подобрување на здравјето на кожата
Една многу честа, несакана појава која може да им се случи на многу луѓе, е дехидрација, која може да биде предизвикана од преголема изложеност на сонце, повраќања, неправилна исхрана или недоволно внесување на вода во организмот. Скоро сите од нас, барем еднаш во животот, имаат почувствувано состојба на дехидрација.
За да се спречи оваа состојба, препорачуваме конзумирање на орални раствори за рехидратација. Оралните раствори за рехидратација претставуваат водени раствори кои содржат шеќери и електролити како натриум, калиум, хлориди, магнезиум и фосфор и се наменети за спречување и третман на дехидратација. Губењето на електролити може да се јави како резултат на континуирано повраќање, дијареа и недоволен внес на течности, особено во летниот период кога потењето е поинтензивно. Дехидратацијата влијае на работата на бубрезите, и води до губење на силата и интензивен замор, а доколку е сериозна може да заврши и фатално.
Со цел подигнување на свеста за значењето на грижата за сопственото здравје, аптеки Еликсир организираат настан на 24ти јули, во големиот градски парк во Струмица, каде што ќе бидат доделени флаери, како и бесплатни примероци од пробиотици и електролити, тестери од креми за заштита од сонце, и многубројни совети за започнување на грижа за сопственото здравје. Настанот ќе биде со почеток од 18:00 часот.
Би сакале да упатиме голема благодарност до компаниите Алкалоид, Себамед, Јана Вода, МартиАлко, Еуцерин, Биодерма, Медис, Фарма С и Фарма Про, кои го поддржуваат овој настан, и заедно со сите нас, се борат за подобра грижа на нашето а и на вашето здравје.